Ü20 Weekend 13.-16. November 2025

Vier Täg vouer tüüfi, Gmeinschaft und ä chlei Action 

Z’Ü20 GPMC Weekend wird ä cuulä Mix us tüüfer Gmeinschaft, inspirierende Inputs, spannendä Workshops, Worshipziite und viu Spass – aues inere entspannte Atmosphärä mit anderne Ü20ler wo Lust hei dGmeinschaft z’stärke!

zWeekend wird i Boltige stattfinde im Teamhaus (inkl. Whirlpool, Sauna, Töggelichaschte, Billiard usw.).

Was di so öppe erwartet:

Los geits am Donnschtig mit äm ne lockere aacho & Znacht und äm ne Abe mit Worship, sich besser kennelerne, churze Input/Impuls und gmüetlechem zämäsii.
Am Fritig gits es Morningpower (Andacht) bevor du dMöglechkeit hesch i verschiedeni Workshops z’gha; vo Songwriting über Prophetisches Hören bis Deep Talks oder Pray & Run und wiiteri Workshops si no i Abklärig.
Am Nami gits Outdoor-Action pur wo ihr üch chöit druf fröie. Am Abe gits e cuule Input vom ne externe Speaker.

Am Samschtig wird’s am Morge sehr entspannt und am Nami wirds de sportlich –  denne heimer e Turnhalle gmietet oder me cha ou chillig im Whirlpool am Nami eifach chle hängä. Am Abe wöimer nomau chle tüüf gah mit Worship, Zügnisse, em ne Input etc. uuuuund mir gschtaute e ganzi Gebätsnacht, wo immer jedi stund öpper am Bättä wird sii. Das wird mega cuul!

Am Sunntig wärs de scho gäg de Mittag fertig, wöumer zHuus de scho pünktlech am 11:00 müesse abgäh.

Koste:
185CHF p.P. inkl. Übernachtig (6er Zimmer), Ässä Vollpension, Huusputz, Programm-Koste etc.
(falls de Priis es Problem wäri, eifach bi mir mäude, Joav Stern 0799632202, und de findemer scho ä lösig)
zahle chöiter de vor Ort mit Twint

Es wäri mega cuul di debi z’ha! E super glägäheit zum nöii Lüüt kennezlerne und Fründschafte z’stärke!